سعيد الناقه
الـسلام علـيـكـم ورحـمة الله وبـركاته

لو علمت الدار بمن زارها فرحت
واستبشرت ثم باست موضع القدمين
وأنشدت بلسان الحال قائلةً
اهلا وسهلاً بأهل الجود والكرم

أهــــــــــــــــــلا ً وسهــــــــــــــــلا

& ادارة المنتدى &

سعيد الناقه

سعيد الناقه
 
الرئيسيةالرئيسية  اليوميةاليومية  س .و .جس .و .ج  بحـثبحـث  الأعضاءالأعضاء  المجموعاتالمجموعات  التسجيلالتسجيل  دخولدخول  
آخر حاجة
دخول
اسم العضو:
كلمة السر:
ادخلني بشكل آلي عند زيارتي مرة اخرى: 
:: لقد نسيت كلمة السر
بحـث
 
 

نتائج البحث
 
Rechercher بحث متقدم
لا اله الا الله
أفضل 10 أعضاء في هذا المنتدى
sedo100100
 
adam.zaki
 
hossam
 
MaNDo
 
zizoki
 
MrLion
 
Mostafa Kouta
 
SAAD SENARA
 
محمود داود
 
hossam silver
 
زوارنا الكرام
free counters
المواضيع الأخيرة

شاطر | 
 

 جمالك من الطبيعة .. وصفات طبيعية لتقوية الشعر

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
sedo100100
Admin


عدد المساهمات : 170
نقاط : 8355
السٌّمعَة : 0
تاريخ التسجيل : 23/08/2010
العمر : 34

مُساهمةموضوع: جمالك من الطبيعة .. وصفات طبيعية لتقوية الشعر   الثلاثاء ديسمبر 21, 2010 10:07 am

جمالك من الطبيعة .. وصفات طبيعية لتقوية الشعر لكل الناس اللي بتسمع عن فايدة الحنة، ونِفسها تعملها لشعرها، لكنها مش عايزة لون شعرها يتغيّر..

دلوقتي هنعمل حنة طبيعية للشعر مكوّنة من زهرة الكاموميل..

الزهرة دي مفيدة جداً لكل أنواع وألوان الشعر، لكن يتوقّف طبعاً على الإضافات اللي هنحطّها معاها في الماسك..

والماسك اللي هنعمله دلوقتي مفيد لعلاج مشكلة القشرة، بس قبل ما نعمل الماسك ده فيه حاجات لازم تاخدوا بالكم منها:



أولاً: الماسك ده زي ما قلنا بيعالج مشكلة القشرة؛ سواء كانت خفيفة أو سميكة، لو القشرة سميكة هنضيف مع مكونات الماسك اللي هنقولها دلوقتي قطعتين من الخميرة البيرة، لكن لو القشرة خفيفة مش هنستخدم الخميرة.

ثانياً: لو الشعر اللي هنعمل له الماسك ده جاف جداً، هنخلط الكاموميل مع زيوت زي زيت اللوز وزيت جوز الهند وزيت الصبار، لكن لو الشعر عادي أو دهني يبقى بنخلط الكاموميل مع عسل النحل .



مكوّنات الماسك:

* 3 : 4 ملعقة كبيرة زهرة كاموميل مطحونة
* مغلي زهرة الكاموميل
* 2 ملعقة كبيرة عسل نحل


لتحضير مغلي الكاموميل:
بنغلي مقدار 3 أو 4 ملاعق من زهرة الكاموميل في ربع لتر ميه.

الطريقة:
في البداية هنخلط مطحون الكاموميل مع العسل، كويس أوي، وبعد كده نضيف مغلي الكاموميل، ونبدأ نعجن كل المكوّنات مع بعضها كويس، وهنلاحظ إننا أثناء العجن شكله بيبقى عامل زي الحنة.




الماسك ده بنحطّه على جذور الشعر وعلى الشعر نفسه، لكن بنركّز أوي على جذور الشعر، ومع المواظبة على الماسك ده بنحس بنتيجة هايلة جداً؛ لأنه بيغذّي فروة الرأس وبيقوّي الشعر، وكمان بيعالج الآثار السيئة لصبغة الشعر، وبيدّي نعومة ولمعان طبيعي للشعر، وممكن بنفس مكوّنات الماسك ده نعمل به سنفرة للبشرة.

ولما نيجي نوزّع الماسك ده أو أي ماسك تاني على شعرنا، لازم نقسّم شعرنا لخصل متساوية علشان نقدر نوزّع الماسك كويس.

بعد ما بنقسّم الشعر، بنبدأ نفرد العجينة على فروة الرأس، ويفضّل إننا نعمل الماسك على الشعر وهو ساخن.

وبنسيب الماسك ده لمدة ساعة على الشعر، وبعد كده نغسل شعرنا، ويُفضّل إننا نواظب على الماسك ده لمدة 5 : 6 شهور، وخاصة الشعر المصبوغ.



خلطة زيوت لتقوية الشعر
دلوقتي هنعمل ماسك تاني للشعر بيمنع تساقط الشعر، وبيعالج القشرة، وبينشّف فروة الشعرة من الدهون والقشرة والفطريات، وكمان بيغذّي وبيقوّي وينعم ويرطب الشعر.

المكونات:

* 5 فصوص ثوم مفرومين
* 2 ملعقة كبيرة عصير بصل
* ملعقة عسل نحل
* ملعقة زيت سمسم
* ملعقة زيت جوز هند
* ملعقة زيت لوز حلو
* ملعقة زيت جرجير
* ملعقة زيت زيتون
* ملعقة زيت ذرة
* ملعقة زيت صبار
* ملعقة زيت خس
* ملعقة زيت نخاع
* ملعقة زيت خروع
* ملعقة زيت حية


الطريقة:
بنخلط كل المكوّنات دي مع بعضها، وبنرجّها كويس أوي مع بعض، وبعد كده بنحتفظ بالخليط ده في الثلاجة لمدة يوم، ونبدأ نستخدمه تاني يوم.

وبنحط الماسك ده على فروة الشعر فقط بعد ما نغسل الشعر كويس جداً، وممكن نحط الزيت الخفيف على الشعر نفسه، وبنسيب حمام الزيت ده على الشعر لمدة 3 : 4 ساعات، وبعد كده نغسل الشعر مرة تانية مرتين بالشامبو، ولو لقينا الريحة لسه موجودة في الشعر بعد ما نغسله ممكن نشطف الشعر بمغلي زهرة الكاموميل أو مغلي زهرة المريمية؛ لأن الأعشاب دي بتمتص الروايح القوية زي ريحة البصل والثوم.

والكمية اللي عملناها النهارده دي ممكن تكفينا لمدة شهر؛ لأننا مش بنحتاج غير كمية صغيرة جداً منه في كل مرة.

وفيه طرق كتير ممكن نوزّع بها أي حمام زيت على شعرنا؛ ومنها إننا نوزّع الزيت على فروة الرأس بأطراف الأصابع، وكمان ممكن نستخدم زجاجة برفان قديمة علشان نستغل البخاخة اللي فيها في إننا نرش الزيت على فروة الرأس، وممكن نستخدم فرشة الصبغة في توزيع الزيت، وبعد كده نعمل تدليك خفيف بأطراف أصابعنا على فروة الرأس.



ماسك الخميرة والعسل للحبوب
الماسك اللي هنعمله دلوقتي بنعتبره "الكاسح" للبشرة من الدهون والقشور والحبوب الصغيرة اللي بتكون موجودة على البشرة، وكمان ممكن نعمل الماسك ده على شعرنا...

والماسك عبارة عن:

* 2 قطعة خميرة بيرة (موجودة في الفرن)
* ملعقة كبيرة عسل نحل


الطريقة:
بنخلط الاتنين مع بعض، وهنلاقي إننا بمجرد ما نضيف العسل على الخميرة هتذوب على طول.

وبنوزّع الماسك على الوش كله حتى منطقة العيون، وبنسيبه من 10 : 20 دقيقة، وبعد كده نغسل وشنا كويس، ولو البشرة اللي بنعمل لها الماسك ده شديدة الجفاف، ممكن بعد ما نعمل الماسك، نرّطب البشرة بزيت اللوز الحلو، أو باللبن.




ولغاية هنا خلصت حلقتنا النهارده..
نتمنّى إنها تكون عجبتكم وتستفيدوا منها..
وانتظرونا في الحلقات القادمة..

للرجوع للحلقات السابقة يمكنكم الدخول من خلال الضغط على لينك "قمر 14"


إلى اللقاء،،،،


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://sedo100100.yoo7.com
 
جمالك من الطبيعة .. وصفات طبيعية لتقوية الشعر
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
سعيد الناقه :: صحة وجمال-
انتقل الى: